Euskara Basaburuko nortasun ikur nagusia da, eta ingurune aberats eta emankorrarekin batera bere izaera ematen dio gure bailarari. Batzordeak euskararen normalizazioa du helburu.
Horretarako, euskara zerbitzuaren bitartez, elkarlanean dihardugu Iparraldeko Euskara Mankomunitatearekin, UEMArekin eta beste hainbat eragilerekin.
Horrez gain, baliabide andana guztion eskura jartzen ahalegintzen gara: diru-laguntzak, ikastaroak, tailerrak eta beste hainbat jarduera, hala nola, ostatuetan euskararen erabilera bultzatzeko kanpaina, gurasoendako hitzaldiak, bertso emanaldiak, antzezlanak, ardo dastaketak…
Argi dugu euskarekiko ardura ez dela batzordearena bakarrik, guztiona baizik. Hortaz, gainontzeko udal esparruetan ere euskara zehar-lerro modura lantzen dugu.
