Basaburuko Merkataritza Sarearen Gida

Gida honekin Basaburuan eskaintzen diren zerbitzuak ikusarazi nahi ditugu.

Maiz gure herrien garapena sustatzearen beharraz eztabaidatzen dugu. Gero eta globalizatuagoa eta neoliberalagoa den mundu honen aurrean, ez dira gutxi antolatzen diren tokian tokiko dinamikak inertzia horri aurre egiteko: Km 0 produktuak, kontsumitzaile sare eta kooperaibak, hurbileko kontsumoa, garapen endogeno eta bertakoen sustapena…

Guziak antzeko helburu batekin, tokiko ekonomia eta gizarte garapena sustatzea.
Gida honekin gure aletxoa jarri nahi dugu bide horretan Basaburuko Garapen Batzordetik. Gida hau etxe guzietara helaraziz, Basaburuan eskaintzen diren zerbitzuak ikusarazi nahi ditugu, horietako batzuk ezagutu ere ez baititugu ezagutzen.

Jarduera hauen berri emanez, gure asmoa da denok ere kontzienteago izatea horiek mantentzeak duen garrantziaz gure herrietan jarduerak,
zerbitzuak eta biztanleak finkatzeko, azken finean, gure herrietan bizitza errotzeko.

Bere jarduera Basaburuan helbideratuta duten guziei gida honetan parte hartzeko gonbidapena luzatu zaie. Arrazoi ezberdinengatik badira gidan ez agertzea nahiago izan duten jarduerak ere.

Gure esker ona eta elkartasuna adierazi nahi diegu guziei.

Abeltzaintza Basaburuan